బాలీవుడ్ హీరోల్లో పరిచయం అక్కర్లేని వ్యక్తి హృతిక్ రోషన్. "కహో నా ప్యార్ హై" సినిమాతో మొదలై ఆయన బాలీవుడ్‌కి మరియు సినీ ప్రేక్షకులను ఎన్నో మంచి సినిమాలను అందించాడు. ఆయన నటించిన "క్రిష్" సినిమా సిరీస్ అంతర్జాతీయ స్థాయిలో మంచి క్రేజ్ సంపాదించుకుంది. ఒకపక్క ఆయన పాపులారిటీ పీక్స్‌లో ఉండగా, ఆయన వ్యక్తిగత జీవితం గురించి కొన్ని వార్తలు జోరుగా ప్రచారంలో ఉన్నాయి.
హృతిక్, ఆయన భార్య సుజైన్ ఖాన్ మధ్య గొడవలు తలెత్తి ఇరువురూ 2014లో విడాకులు తీసుకున్నారు. కొన్ని రోజుల తర్వాత ఆయన మళ్లీ పెళ్లి చేసుకోబోతున్నట్లు వార్తలు వచ్చాయి. ఆ అమ్మాయి బాలీవుడ్ హీరోయిన్ కంగనా రనౌత్ అని చాలామంది అనుకున్నారు. కానీ ఆయన తన మొదటి భార్య సుజైన్‌నే మళ్లీ పెళ్లి చేసుకోనున్నారని సన్నిహిత వర్గాల సమాచారం.
