తన మూడో భార్య రమ్యపై నటుడు నరేష్ సంచలన ఆరోపణలు చేశారు. తనను హత్య చేసేందుకు రమ్య కుట్ర చేస్తున్నారని ఆయన ఆరోపించారు. ఆస్తికోసం తనను చంపే ప్రయత్నం చేసిందని చెప్పారు. ఇదే విషయంపై ఆయన తాజాగా కోర్టును ఆశ్రయించారు. అలాగే, దీనిపై గచ్చిబౌలి పౌలీసులకు కూడా ఫిర్యాదు చేశానని తెలిపారు.
రోహిత్ శెట్టితో కలిసి రమ్య తనను చంపేందుకు కుట్రలు చేస్తోందని అన్నారు. ఆమెతో తాను నరకాన్ని అనుభవిస్తున్నానని, తనను, చంపేస్తారనే భయంతో ఒంటరిగా బయటకు కూడా వెళ్లలేకపోతున్నానని చెప్పారు. ఓ పోలీస్ అధికారి సాయంతో తన ఫోన్‌ను రమ్య హ్యాక్ చేయించి, తన పర్సనల్‌ మేసేజ్‌లను చూసేదని అన్నారు. తనకు రమ్యకు విడుకాలు ఇప్పంచాలని కోరారు.
కాగా, గత 2010 మార్చిలో రమ్యతో తనకు బెంగుళూరులో పెళ్లి జరిగిందని నరేశ్ తెలిపారు. కట్నం తీసుకోకుండానే తాను పెళ్లి చేసుకున్నాని తన తల్లి విజయ నిర్మల ఆమెకు రూ.30 లక్షలు విలువైన ఆభరణాలను చేయించిందని చెప్పారు. అయితే, పెళ్లైన కొన్ని నెలలు నుంచే రమ్య తనను వేధించడాన్ని ప్రారంభించిందని తెలిపారు.
