టాలీవుడ్‌ని క్యాస్టింగ్ కౌచ్ వ్య‌వ‌హారం ఊపేస్తున్న సంగ‌తి తెలిసిందే. ఈ కాస్టింగ్ కౌచ్ గురించి భరత్ అనే నేను సినిమా దర్శకుడు కొరటాల శివ విభిన్నంగా స్పందించారు. ఓ పత్రికకు ఇంటర్వ్యూ ఇస్తూ, కాస్టింగ్ కౌచ్‌పై తాను మరోసారి మాట్లాడతానని చెప్పారు. ప్రస్తుతానికి తన కొత్త చిత్రం ప్రమోషన్, విడుదల తదితరాలు తప్ప మరో ఆలోచన లేదన్నారు.
చెర్రీతో తన తదుపరి చిత్రం కథ గురించి ఇప్పటివరకూ ఏమీ అనుకోలేదని, చెర్రీ చేస్తున్న సినిమాలన్నీ పూర్తయ్యాక తనతో సినిమా ప్రారంభం చేస్తాడని కొరటాల శివ చెప్పుకొచ్చాడు. టాలీవుడ్ ప్రిన్స్ మహేష్ బాబు హీరోగా నటించిన ''భరత్ అనే నేను'' చిత్రాన్ని ఎవరినీ ఉద్దేశించి తీయలేదని, ఉమ్మడి ఆంధ్రప్రదేశ్ రాష్ట్రంలో జరిగిన ఓ కల్పిత కథగానే దీన్ని చూడాలన్నారు.
