త‌న కుమార్తె, భార్య‌పైన కూడా అనుచితంగా, వికృతంగా ప్ర‌వ‌ర్తించిన పోలీసు అధికారిణి కొడుకును ఆ కుటుంబం హ‌త్య‌చేసి దాన్ని మ‌రుగుపరుస్తుంది. ఆ తర్వాత జ‌రిగిన ప‌రిశోధ‌న‌లో నిజం తెలిసినా హ‌త్య‌చేసిన మోహ‌న్‌లాల్ తెలివిగా బ‌య‌ట‌ప‌డ‌తాడు. ఇది దృశ్యం సినిమా క‌థ. మలయాళంలో తెరకెక్కి ఇండస్ట్రీ హిట్ అయిన ‘దృశ్యం’ను ఆ తర్వాత తెలుగు, తమిళం, హిందీ, కన్నడ భాషల్లో రీమేక్ చేస్తే అన్ని చోట్లా మంచి విజయం సాధించింది. ఇప్పుడు ‘దృశ్యం-2’ మలయాళంలో ఓటీటీలో విడుద‌లైంది. ఈ క‌థ‌ను దర్శకుడు జీతు జోసెఫ్ నిజ సంఘ‌ట‌న ఆధారంగా రాసుకున్నాడు. అందులో హ‌త్య‌చేసిన వ్య‌క్తి దొరికిపోతాడు. కానీ దొర‌క్క‌పోతే ఎలా వుంటుంద‌నేది త‌ను రాసుకున్న క‌థ. ఇప్పుడు దృశ్యం2లో హ‌త్య‌చేసిన శ‌వాన్ని ఎక్కడ దాచాడో చెప్ప‌మ‌ని పోలీసు అధికారిణి త‌న డిపార్ట్‌మెంట్ వారితో ఎంక్వ‌యిరీ చేయిస్తుంది. ఆఖ‌రికి ప‌లానా చోట దాచాడు అని తెలిసినా అక్క‌డ దొర‌క‌దు. చివ‌రికి ఎంక్వ‌యిరీలో మోహ‌న్‌లాల్ కుటుంబాన్ని పోలీసులు చిత‌క‌బాదుతారు. అయినా నోరు మెద‌ప‌రు. చివ‌రికి వారు ఏమీ చేయ‌లేక వ‌దిలేస్తారు. ఫైన‌ల్‌గా ఆ బాడీని మోహ‌న్‌లాల్ ఎక్కడ దాచాడు అనేది క‌థ. ఈ సినిమా చూస్తే దీనికి కొన‌సాగింపుగా 3వ భాగం కూడా తీయ‌వ‌చ్చు.
