తెలుగు చిత్రపరిశ్రమను ఓ ఊపు ఊపిన హీరోయిన్లలో ఒకరు రంభ. ఈమె 90 దశకంలో మంచి పాపులర్ హీరోయిన్. వెండితెరపై ఈమె ఆరబోసే అందాలను తిలకించేందుకు కుర్రకారు థియేటర్లకు క్యూకట్టిన సందర్భాలు అనేకం ఉన్నాయి. అలాంటి రంభ.. ఇపుడు వరుసబెట్టి పిల్లల్నికనేస్తోంది. ఇప్పటికే ఇద్దరు బిడ్డలకు తల్లి అయిన రంభ.. ఇపుడు మూడో బిడ్డకు జన్మనివ్వనుంది.
నిజానికి రంభం ఇటు తెలుగుతో పాటు తమిళ, మలయాళం, హిందీ, భోజ్‌పురి చిత్రసీమల్లో రాణించింది. మంచి నటిగా గుర్తింపు తెచ్చుకుంది కూడా. ఆ తర్వాత కెనడా వ్యాపారవేత్త ఇంద్రన్ పద్మనాథన్‌ను పెళ్లాడి సినిమాలకు దూరమైంది. వీరికి ఇప్పటికే ఇద్దరు కుమార్తెలు లాన్య, శాషా ఉన్నారు. ఇప్పుడు రంభ మరో గుడ్ న్యూస్ చెప్పింది. తాను ముచ్చటగా మూడోసారి తల్లిని కాబోతున్నానని, ఈ ఆనందాన్ని ఎలా పంచుకోవాలో అర్థం కావడం లేదంటూ ట్వీట్ చేసింది. ఈ విషయాన్ని తన ఇన్‌స్టా‌గ్రామ్‌లో వెల్లడించింది.
