ఈ టీజ‌ర్‌లో ఇంత‌వ‌ర‌కూ చూడ‌ని సరికొత్త లుక్‌లో బాలయ్య క‌నిపించ‌డంతో పాటు టైటిల్ కూడా ఆయ‌నకు యాప్ట్ అయ్యేలా ఉండ‌డంతో అభిమానులు పండ‌గ చేసుకుంటున్నారు. ఇక 'కాలు దువ్వే నంది ముందు రంగు మార్చిన పంది... కారు కూతలు కూస్తే కపాలం పగిలిపోద్ది.' అంటూ హై వోల్టేజ్ తో బాలయ్య చెప్పిన పవర్ ఫుల్ డైలాగ్ విజిల్స్ వేయించేలా ఉంది. ముఖ్యంగా తమన్ బ్యాక్‌గ్రౌండ్ స్కోర్ అదిరిపోయింది. ప్ర‌స్తుతం ఈ టీజ‌ర్ సోష‌ల్ మీడియాలో ట్రెమండ‌స్ రెస్పాన్స్‌తో దూసుకుపోతుంది.
నటసింహ నందమూరి బాలకృష్ణ, ప్ర‌గ్యా జైస్వాల్‌, శ్రీకాంత్‌తో పాటు భారీతారాగ‌ణం న‌టిస్తున్న ఈ చిత్రానికి సినిమాటోగ్రఫీ: సి. రాంప్రసాద్‌, సంగీతం: తమన్ ఎస్‌, మాటలు: ఎం.రత్నం, ఆర్ట్‌ డైరెక్టర్: ఎ.ఎస్‌.ప్రకాష్‌, ఎడిటింగ్‌: కోటగిరి వేంకటేశ్వరరావు, తమ్మిరాజు, ఫైట్స్‌: రామ్‌-ల‌క్ష్మ‌ణ్‌, స‌మ‌ర్ప‌ణ: మిర్యాల స‌త్య‌నారాయ‌ణ రెడ్డి, నిర్మాత: మిర్యాల రవీందర్‌రెడ్డి, దర్శకత్వం: బోయపాటి శ్రీను.
