‘పోలీసులు అరెస్ట్ చేసి జైలుకి తీసుకువెళ్తుండగా చేతికి ఉన్న సంకెళ్లతోనే తప్పించుకొని ఓ లారీతో సహా కార్తీ తప్పించుకు పారిపోవడం, దీంతో పోలీసులు అతడి కోసం వెతుకుతుండడం జరుగుతుంది. మరోవైపు ఒక రౌడీ బ్యాచ్ కూడా కార్తి కోసం వెతుకుతుంటారు. అతడిని చంపితే జీవితాంతం సరిపడా డబ్బులిస్తామని చెబుతారు.
దీంతో ఓ వైపు పోలీసులు, మరోవైపు రౌడీలు వెతుకుతుండం, చివరకు ఏమైందనేదే సినిమా కథ అనేది మనకు టీజర్‌ని బట్టి కొంత అర్ధం అవుతుంది.
ఇకపోతే ఈ సినిమాను అక్టోబర్ లో ప్రేక్షకుల ముందుకు తీసుకురానున్నట్లు సినిమా యూనిట్ కాసేపటి క్రితం ఒక ప్రకటన రిలీజ్ చేసింది. టీజర్ తోనే ప్రేక్షకుల్లో ఎంతో థ్రిల్ కలిగించిన ఈ సినిమా, రేపు రిలీజ్ తరువాత మంచి సక్సెస్ సాదిస్తుందని యూనిట్ నమ్మకంగా ఉంది. డ్రీం వారియర్ పిక్చర్స్, వివేక్ ఆనంద పిక్చర్స్ బ్యానర్ పై నిర్మితం అవుతున్న ఈ సినిమాకు సీఎస్ సామ్ సంగీతాన్ని అందిస్తుండగా, సత్యన్ సూర్యన్ కెమెరా మ్యాన్‌గా పనిచేస్తున్నారు.
