మెగాస్టార్ చిరంజీవి నటించిన "ఖైదీ నంబర్ 150"వ చిత్రంలో తాను నటించిన కొన్ని సన్నివేశాలను తొలగించడంపై హాస్య నటుడు, థర్టీ ఇయర్ ఇండస్ట్రీ పృథ్వీ చేసిన వ్యాఖ్యలు ఇటు చిత్ర హీరో చిరంజీవితోపాటు.. దర్శకుడు వివి వినాయక్‌ను బాధించాయి. ఖైదీ మూవీ నుంచి తాను నటించిన సన్నివేశాలు తొలగించడంపై పృథ్వీ స్పందిస్తూ... సంక్రాంతి రోజు కన్నతల్లి చనిపోయినంత బాధగా ఉందంటూ వాపోయారు.
ఇదే విషయాన్ని పత్రికల్లో చూసిన చిరంజీవి కూడా చాలా ఫీలయ్యారని వినాయక్ చెప్పారు. వెంటనే చిరంజీవి తనకు ఫోన్ చేసి పండగరోజు ఒకర్ని బాధపెట్టడం ఎందుకు. కేవలం నలభై నిమిషాల సీనే కదా. అదుంటే పోయేదేముంది మహా అయితే ఇంకాస్త నవ్వుకుంటాం కదా అన్నారని, దీంతో పృథ్వీతో తీసిన బీట్‌ను మళ్లీ సినిమాలో జతచేసినట్టు దర్శకుడు వెల్లడించాడు.
