లండన్‌లో బిజీ బిజీగా నయనతార.. బిల్లా 2 డైరక్టర్‌తో ఏం చేస్తుందో తెలుసా?

కొరియోగ్రాఫర్‌తో ప్రేమాయణానికి ఎప్పుడు చెక్ పెట్టిందో అప్పటి నుంచి నయనతార ఫుల్‌బిజీగా వుంది. తెలుగు సినిమా మాట పక్కనబెడితే, తమిళంలో ఈమెకి చేతినిండా ఆఫర్స్ వున్నాయి. నయనతార తాజాగా 'కొలైవుదిర్ కాలమ్' సినిమాలో నటిస్తోంది. ఈ సినిమా ఉమెన్ సెంట్రిక్‌గా తెరకెక్కుతోంది. ప్రస్తుతం లండన్‌లో షూటింగ్ జరుగుతోంది. 

లండన్ షూటింగ్ పార్టుతో ఈ సినిమా షెడ్యూల్ పూర్తవుతుంది. లండన్‌లో చిత్రీకరించే సీన్స్ సినిమాకు హైలైట్ అవుతాయని సినీ యూనిట్ చెప్తోంది. నయన రోల్ అందరినీ ఆకట్టుకునేలా వుంటుందని.. ఉన్నత విలువలతో ఈ సినిమా తెరకెక్కుతోందని సినీ మేకర్స్ వెల్లడిస్తున్నారు. 

అన్నట్లు.. ఈ మూవీతో మ్యూజిక్ డైరెక్టర్ యువన్ శంకర్‌రాజా నిర్మాతగా మారాడు. బిల్లా 2 సినిమా చేసిన చక్రీ దీనికి దర్శకత్వం వహిస్తుండగా.. అన్నీ పనులు పూర్తి చేసుకుని ఫిబ్రవరిలో ఈ సినిమాను రిలీజ్ చేసేందుకు రంగం సిద్ధమవుతోంది.