ముఖ్యంగా, 'లవ్ స్టోరీ' సినిమాలో రాజీవ్ కనకాల ప్రేక్షకులు అసహ్యించుకునే పాత్రలో నటించారు. సాధారణంగా అలాంటి పాత్ర చేయడానికి ఎవరూ ముందుకురారు. కానీ రాజీవ్ కనకాల మాత్రం దర్శకుడు శేఖర్ కమ్ములను నమ్మి ముందడుగు వేశాడు. సొంత అన్న కూతురును చిన్నప్పుడు లైంగికంగా వేధించే బాబాయ్ పాత్ర ఇది.
తాజాగా ఈ సినిమా చూసిన రాజీవ్ కనకలా భార్య అయిన యాంకర్ సుమ ఎమోషనల్ అయ్యారు. కొందరు నటులు పాత్రలో లీనమై.. అది తన కోసమే పుట్టింది అని ఒదిగిపోతారు. అలాంటి వాళ్లు చాలా అరుదుగా ఉంటారు. నా భర్త రాజీవ్ కనకాల కూడా అలాంటి అద్భుతమైన నటుడు అంటూ ప్రశంసల వర్షం కురిపించింది సుమ. ఇక లవ్ స్టోరీ లాంటి సున్నితమైన ఎమోషనల్ రియలిస్టిక్ డ్రామా అందించిన శేఖర్ కమ్ములని కూడా ప్రశంసలతో ముంచెత్తింది.
