మూవీ ఆర్టిస్ట్ అసోసియేష‌న్ ఎన్నిక‌లు ద‌గ్గ‌ర ప‌డ‌టంతో మ‌రోసారి తెలుగు ఇండ‌స్ట్రీలో విభేదాలు తెర పైకి వ‌చ్చాయి. పైకి మేమంతా ఒక్క‌టే అని చెబుతుంటారు కానీ.. లోప‌ల మాత్రం కొంతమందికి విభేదాలు అలాగే ఉంటాయి. ఈ నెల 10న మూవీ ఆర్టిస్ట్ అసోసియేష‌న్ ఎన్నిక‌లు. ఈసారి కూడా శివాజీరాజా అధ్య‌క్ష ప‌ద‌వికి పోటీ ప‌డుతున్నారు. అయితే.... శివాజీరాజాకి మెగాస్టార్ చిరంజీవి స‌పోర్ట్ ఉంద‌ని.. ఆయ‌న అండ‌తోనే శివాజీరాజా పోటీ చేస్తున్నార‌ని వార్తలు వ‌స్తున్నాయి.
అయితే.. శివాజీరాజాతో సీనియ‌ర్ నరేష్ పోటీప‌డుతున్నారు. చిరంజీవి న‌రేష్‌ని పిలిచి ఈసారి కూడా శివాజీరాజా అధ్య‌క్ష‌డుగా చేస్తారు. నెక్ట్స్ టైమ్ నిన్ను ఏక‌గ్రీవంగా అధ్య‌క్షుడిగా ఎన్నిక‌య్యేలా చూస్తాన‌ని మాట ఇచ్చార‌ట. అయినా నరేష్ పోటీ చేస్తుండటం విశేషం. దీంతో న‌రేష్‌కి కృష్ణ, మ‌హేష్ బాబు సపోర్ట్‌గా నిలిచార‌ని... అందుచేతే నరేష్ రంగంలోకి దిగార‌ని ఫిల్మ్ న‌గ‌ర్లో టాక్ వినిపిస్తోంది. దీనిని బ‌ట్టి చిరంజీవి, మ‌హేష్ మ‌ధ్య విభేదాలు వ‌చ్చాయ‌ని.. అందుకే ఈ పోటీ అని ప్ర‌చారం జ‌రుగుతోంది. మ‌రి.. ప్ర‌చారంలో ఉన్న ఈ వార్త‌లపై ఎవ‌రైనా క్లారిటీ ఇస్తారేమో చూడాలి.
