అలనాటి తార సావిత్రి జీవితం ఆధారంగా నాగ్‌ అశ్విన్‌ దర్శకత్వంలో తెరకెక్కిన చిత్రం మహానటి. కీర్తి సురేష్‌ టైటిల్‌రోల్‌ పోషిస్తున్నారు. మిక్కీ జె మేయర్ స్వరాలు సమకూర్చారు. ఈ సినిమా ఆడియో విడుదలకు ముఖ్య అతిథిగా ఎన్టీఆర్ రానున్నట్లు సినీ వర్గాలు చెప్తున్నాయి. ఇటీవల మహేష్ బాబు.. భరత్ అనే నేను సినిమా ప్రీ రిలీజ్ ఈవెంట్‌కు హాజరై సరికొత్త ట్రెండ్ సృష్టించారు.
ప్రస్తుతం నిర్మాణానంతర కార్యక్రమాలు జరుపుకొంటోంది. ఈ సినిమాలో సమంత, విజయ్‌ దేవరకొండ, దుల్కర్‌ సల్మాన్‌, మోహన్‌బాబు, రాజేంద్రప్రసాద్‌ కీలక పాత్రల్లో కనిపిస్తున్నారు. ఇందులో అక్కినేని నాగేశ్వరరావుగా నాగచైతన్య కనిపిస్తారని సమాచారం. అయితే ఎన్టీఆర్ పాత్రలో ఎవరు కనిపిస్తారన్నది మాత్రం ఇప్పటివరకూ సినీ యూనిట్ వెల్లడించలేదు.
