సూపర్ స్టార్ మహేష్ బాబు నటిస్తున్న తాజా చిత్రం సర్కారు వారి పాట. ఈ చిత్రానికి గీత గోవిందం డైరెక్టర్ పరశురామ్ దర్శకత్వం వహిస్తున్నారు. ఈ సినిమాని ఎనౌన్స్ చేసినప్పటి నుంచి ఎప్పుడెప్పుడు ఈ మూవీ సెట్స్ పైకి వెళుతుందా అని అభిమానులు వెయిటింగ్. కరోనా రావడంతో షూటింగ్ ఇంకా స్టార్ట్ కాలేదు కానీ.. లేకపోతే ఈపాటికే సర్కారు వారి పాట సెట్స్ పైకి వెళ్లేది.
దర్శకుడు పరశురామ్, డీవోపీ, ఆర్ట్ డైరెక్టర్ కలిసి యూఎస్ఏలో లొకేషన్స్ చూడడానికి వెళ్లారు. ఈ సినిమా కథ ప్రకారం సినిమా అమెరికా నేపథ్యంలో కూడా జరుగుతుందట. సుమారు 50 శాతం చిత్రీకరణ అక్కడే ఉంటుందని సమాచారం. ముందుగా అమెరికా షెడ్యూల్ పూర్తి చేసిన తర్వాత హైదరాబాద్‌లో షూటింగ్ చేయాలనుకుంటున్నారట.
