అయితే షూటింగ్ వాయిదా పడుతూ రావడంతో ప్రస్తుతం మెగా క్యాంపులో నరసింహారావుతో జరిపిన చర్చలు సఫలమైనట్లు తెలిసింది. నరసింహారావు పేరును సినిమా టైటిల్స్‌లో కథా సహకారం అంటూ వేస్తామని, అలాగే రూ.40 లక్షలు ఇస్తామని ఒప్పందం చేసుకోవడంతో.. ఇక చిరంజీవి సినిమాకు ఎలాంటి అడ్డంకులు ఏర్పడకపోవచ్చు.
ఇకపోతే.. 150వ సినిమా షూటింగ్ త్వరలో సెట్స్‌పైకి రానుంది. ప్రముఖ సినిమాటోగ్రాఫర్ రత్నవేలు చిరంజీవిని తన కెమెరా ద్వారా మరింత స్టైలిష్‌గా చూపించబోతున్నారు. టాలీవుడ్‌లో ప్రస్తుతం మంచి ఫామ్‌లో ఉన్న దేవి శ్రీ ప్రసాద్ ఈ చిత్రానికి సంగీతం అందించనున్నారు. చిరంజీవి గత చిత్రాలు శంకర్ దాదా ఎంబీబీఎస్, శంకర్ దాదా జిందాబాద్ చిత్రాలకు దేవిశ్రీ విజయవంతమైన సంగీతం అందించారు.
