బాహుబలి దేవసేనతో కలిసి ''మహానుభావుడు'' ఫస్ట్‌ షో చూశానంటోంది.. ఆ సినిమా హీరోయిన్. స్పైడర్, జై లవ కుశ వంటి పెద్దహీరోలతో పోటీపడి మరో విజయం సొంతం చేసుకున్న శర్వానంద్ నటించిన మహానుభావుడు సినిమాను అనుష్కతో కలిసి చూశానని కథానాయిక మెహరీన్ హర్షం వ్యక్తం చేసింది. ఈ మేరకు అనుష్క మెహరీన్ తీసుకున్న సెల్ఫీని కూడా సోషల్ మీడియాలో పోస్టు చేసింది.
కాగా మారుతి దర్శకత్వంలో రూపొందిన ఈ సినిమాలో శర్వానంద్, మెహరీన్ సరసన నటించిన సంగతి తెలిసిందే. ఈ సినిమా శుక్రవారం విడుదలై పాజిటివ్ టాక్‌ను సొంతం చేసుకుంది. ఈ నేపథ్యంలో సోషల్ మీడియాలో పలువురు చిత్రయూనిట్‌కు శుభాకాంక్షలు చెబుతున్నారు.
