ప్రియాంక చోప్రా వేషమేంటి బాబోయ్.. పేలుతున్న మీమ్స్.. (Video)

మాజీ విశ్వ సుందరి ప్రియాంక చోప్రా.. బాలీవుడ్ నుంచి హాలీవుడ్‌ హీరోయిన్‌గా ఎదిగిన సంగతి తెలిసిందే. ఇటీవలే సింగర్ నిక్ జోనస్‌ను ప్రేమించి పెళ్లాడిన ప్రియాంక చోప్రా.. పెళ్లికి తర్వాత కూడా సినిమాల్లో నటిస్తూ.. తన సత్తా చాటుతోంది. 

గత ఏడాది డిసెంబర్ 1వ తేదీన ప్రియాంక చోప్రా-నిక్ వివాహం జరిగింది. ఈ నేపథ్యంలో గాలా అనే రాయల్టీ రెడ్ కార్పేట్ కార్యక్రమంలో బాలీవుడ్, హాలీవుడ్ అందగత్తెలు ఓ మెరుగు మెరిశారు. 

ఈ కార్యక్రమానికి తన భర్తతో ప్రియాంక చోప్రా హాజరైంది. ప్రస్తుతం ఆమె డ్రెస్ కోడ్ నెట్టింట జోకులను పేలుస్తుంది. ప్రియాంక చోప్రా డ్రెస్, హెయిర్ స్టైల్ చూసి ఆ కార్యక్రమానికి వచ్చిన వారంతా దెయ్యమొచ్చిందేమోనని జడుసుకున్నారు. ప్రస్తుతం ప్రియాంక చోప్రా హెయిర్ స్టైల్‌పై కోలీవుడ్‌లో మీమ్స్ పేలుతున్నాయి.

హాస్యనటుడు సెంథిల్‌తో ప్రియాంక చోప్రా హెయిర్ స్టైల్‌ను పోల్చుతున్నారు. ఇంకా శ్రీలంక స్టార్ క్రికెటర్ మలింగతో ప్రియాంక చోప్రా హెయిర్ స్టైల్ సరిపోయిందని సెటైర్లు విసురుతున్నారు. అంతేకాకుండా వీరప్పన్ మీసంతో ప్రియాంక చోప్రా ఫోటోను అటాచ్ చేసి.. నవ్వుకుంటున్నారు.

అంతేగాకుండా.. చల్‌బాజ్ సినిమాను ప్రియాంక చోప్రా చూసివుంటుందని.. ఆ తర్వాత ఇలాంటి డ్రెస్‌తో కార్యక్రమానికి హాజరైవుంటుందని సెటైర్లు పేలుతున్నాయి.