స‌మ్మోహ‌నం సినిమాతో సూపర్ స‌క్స‌స్ సాధించిన సుధీర్ బాబు న‌న్ను దోచుకుందువ‌టే సినిమాతో ప్రేక్ష‌కుల ముందుకు వ‌చ్చేందుకు రెడీ అవుతున్నాడు. ఈ చిత్రాన్ని సుధీర్ బాబు ప్రొడ‌క్ష‌న్స్ బ్యాన‌ర్ పైన సుధీర్ బాబు నిర్మిస్తున్నాడు. సీనియర్ ఎన్టీఆర్ హీరోగా నటించిన గులేబకావళి కథ చిత్రంలోని సూపర్ హిట్ సాంగ్ పల్లవినే టైటిల్‌గా ఫిక్స్ చేసుకున్న ఈ సినిమాకు ఆర్.ఎస్. నాయుడు దర్శకత్వం వహిస్తున్నారు. ఈ సినిమాలో సుధీర్ బాబు సరసన నభా నటేష్ హీరోయిన్‌గా నటిస్తోంది.
ఇంతకుముందున్న సుధీర్ బాబు సినిమాలకు, ఈ సినిమాకు ఏమాత్రం పొంతన లేదు. సీరియస్ యాక్షన్‌తో సుధీర్‌బాబు కొత్త‌గా క‌నిపిస్తున్నాడు. హీరోయిన్ నభా కూడా ఓ క్రేజీ గర్ల్‌లా తన నటనతో ఆకట్టుకుంది. టోట‌ల్‌గా ఈ టీజర్ గురించి ఒక్క మాట‌లో చెప్పాలంటే.. చాలా ఇంట్ర‌స్టింగ్‌గా ఉంది. మ‌రి.. స‌మ్మోహ‌నం వ‌లే సుధీర్ బాబు న‌న్ను దోచుకుందువ‌టే‌తో కూడా స‌క్స‌ెస్ సాధిస్తాడని ఆశిద్దాం.
