'గౌతమీపుత్ర శాతకర్ణి' టీజర్ ఆగడం నా వల్ల కావడం లేదు : నారా లోకేష్
గురువారం, 13 అక్టోబరు 2016 (12:56 IST)
యువరత్న బాలకృష్ణ నటించిన అత్యంత ప్రతిష్టాత్మక చిత్రం గౌతమీపుత్ర శాతకర్ణి. ఈ చిత్రం టీజర్‌‍ను ఇటీవల విడుదల చేశారు. ఈ టీజర్‌‍పై తెలుగుదేశం పార్టీ ప్రధాన కార్యదర్శి నారా లోకేశ్ స్పందించారు.
దీనిపై లోకేశ్ తన ట్విట్టర్‌లో స్పందించారు. ‘గౌతమీపుత్ర శాతకర్ణిలో ఆయనను చూస్తుంటే రోమాలు నిక్కబొడుచుకొంటున్నాయి. ఈ దృశ్యకావ్యం తెరపై ఆవిష్కృతమయ్యేవరకూ ఆగడం నా వల్ల కావడం లేదు’ అని ఆయన పేర్కొన్నారు.
కాగా, జాగర్లమూడి క్రిష్ దర్శకత్వంలో తెరకెక్కుతున్న ఈ చిత్రంలో శ్రియ, హేమమాలినిలతో పాటు.. పలువురు ప్రముఖులు నటిస్తున్నారు. ఈ చిత్రం బాలకృష్ణ నటిస్తున్న 150వ చిత్రం కావడం గమనార్హం.
