ఈ వీడియోలో గణేష్‌ని ''నేను స్టూడెంట్ సార్!' టీజర్ గురించి వేర్వేరు వ్యక్తులు అడగడం, ఫైనల్ అతను టీజర్ తేదీని రివిల్ చేయడం ఆసక్తికరంగా వుంది. నేను స్టూడెంట్ సార్! టీజర్ నవంబర్ 12న విడుదలౌతుంది. పోస్టర్‌లో గణేష్ సీరియస్ లుక్‌లో కనిపిస్తున్నారు. అలాగే గణేష్‌పై ఎటాక్ చేసేందుకు బస్‌లు చుట్టుముట్టడం గమనించవచ్చు.
ఈ చిత్రంతో అలనాటి నటి భాగ్యశ్రీ కూతురు అవంతిక దస్సాని హీరోయిన్ గా అరంగేట్రం చేస్తోంది. సముద్రఖని, సునీల్ కీలక పాత్రలు పోషిస్తున్న ఈ చిత్రానికి మహతి స్వర సాగర్ సంగీతం అందిస్తున్నారు. అనిత్ మధాడి డీవోపీగా, చోటా కె ప్రసాద్ ఎడిటర్ గా పని చేస్తున్నారు. కళ్యాణ్ చక్రవర్తి ఈ చిత్రానికి డైలాగ్స్ అందిస్తున్నారు.
నటీనటులు: బెల్లంకొండ గణేష్, అవంతిక దస్సాని, సముద్రఖని, సునీల్, శ్రీకాంత్ అయ్యంగార్, ఆటో రాంప్రసాద్, చరణ్‌దీప్, ప్రమోధిని, రవి శివతేజ తదితరులు.
