తెలుగులో 'ఒక మనసు' సినిమాతో వెండితెరపై కథానాయికగా మెరిసిన నాగబాబు కుమార్తె నీహారిక ఆ తర్వాత ఏ చిత్రం చేయాలన్న విషయంలో సందిగ్దత నెలకొంది. పలు కథలు విన్నా.. అవేవీ పెద్దగా ఆకట్టుకోకపోవడంతో తమిళం వైపు మొగ్గుచూపుతుందని తెలుస్తోంది.
ఇందుకు ఉదాహరణగా.. విజయ్‌ సేతుపతి హీరోగా నటించనున్న చిత్రంలో ఆమె చేయనున్నట్లు వార్తలు విన్పిస్తున్నాయి. తమిళ దర్శకుడు నాగబాబును కలిసి కథను చెప్పడం.. అందుకు సమ్మతించడం జరిగిందని తెలుస్తోంది. కాగా, ఈ చిత్రం గురించి త్వరలో మరిన్ని వివరాలు తెలియనున్నాయి.
