అయితే, ఇప్పుడు ఈ జోడీ మరోసారి వెండితెరపై కనిపించనుంది. నాని నిర్మాతగా మారి, తన సొంత సంస్థ వాల్‌ పోస్టర్‌ సినిమా పతాకంపై ‘అ!’ అనే సినిమాను నిర్మిస్తున్నారు. కాజల్‌, నిత్యామేనన్‌, రెజీనా, ఈషా రెబ్బా, శ్రీనివాస్‌ అవసరాల, ప్రియదర్శి పులికొండ తదితరులు ప్రధాన పాత్రలు పోషిస్తున్నారు. ఈ సినిమా టైటిల్‌ను ఇటీవల విడుదల చేసిన నాని.. శనివారం (డిసెంబర్-2)న నిత్యామేనన్‌ ఫస్ట్‌లుక్‌ను విడుదల చేశారు.
ప్రశాంత్‌ వర్మ ఈ సినిమాకి దర్శకత్వం వహిస్తున్నారు. నాని ఓ చేపకి, రవితేజ ఓ మొక్కకి వాయిస్‌ ఓవర్‌ ఇస్తున్నారు. ఈ తరహా సినిమా ఇప్పటి వరకు తెలుగు తెరపైకి రాలేదని నాని అన్నారు. ఇప్పటికే 80 శాతం షూటింగ్‌ పూర్తైనట్లు చెప్పారు. ఫిబ్రవరిలో సినిమాను ప్రేక్షకుల ముందుకు తీసుకువస్తున్నట్లు తెలిపారు.
