ప్రస్తుతం ఆర్థర్ రోడ్డు జైలులో ఉన్న ఆర్యన్ ఖాన్‌కు బెయిల్ కోసం ఆయన తరపు న్యాయవాదులు శతవిధాలా ప్రయత్నిస్తున్నారు. కానీ, బెయిల్ లభించడం లేదు. ఈ నేపథ్యంలో ఆర్యన్ రిమాండ్‌ను 14 రోజుల పాటు పొడగించడంతో ఆయన తరపు న్యాయవాదులు బెయిల్ కోసం బాంబే హైకోర్టును ఆశ్రయించారు.
ఇక, డ్రగ్స్ వ్యవహారంలో ఎన్సీబీ విచారణ ఎదుర్కొంటున్న బాలీవుడ్ నటి అనన్య పాండేకి చెందిన ఫోన్, ల్యాప్ టాప్‌ను ఎన్సీబీ అధికారులు స్వాధీనం చేసుకున్నట్టు తెలుస్తోంది. ఈ కేసులో ఆమెను గురువారం విచారణకు పిలిచిన విషయం తెల్సిందే. ఈమె విజయ్ దేవరకొండ నటిస్తున్న ఫైటర్ చిత్రం ద్వారా తెలుగులోకి ఎంట్రీ ఇస్తున్నారు.
