ఎన్టీఆర్ హీరోగా, త్రివిక్ర‌మ్ ద‌ర్శ‌క‌త్వంలో ఓ సినిమా తెర‌కెక్క‌నుంది. ఈ చిత్రంలోని చాలా సన్నివేశాలు రాయలసీమ నేపథ్యంలో చిత్రించ‌నున్నార‌ని టాక్ వస్తోంది. ఈ చిత్రానికి తమన్‌ సంగీతాన్ని అందించగా, హారిక అండ్‌ హాసిని క్రియేషన్స్‌ ఈ చిత్రాన్ని నిర్మిస్తోంది. ఈ సినిమాను దసరా కానుకగా విడుదల చేయనున్నారు.
ఎన్టీఆర్ పుట్టినరోజు కానుకగా రిలీజ్‌ చేసిన సినిమా టైటిల్, ఎన్టీఆర్ ఫస్ట్‌‌లుక్‌ అదిరిపోయింది. సిక్స్‌ ప్యాక్‌తో ఎన్టీఆర్, కత్తి పట్టుకుని ఉన్న ఈ పోస్టర్‌తో సినిమాపై అంచనాలు అమాంతంగా పెరిగాయి. అరవింద సమేత టైటిల్ కాగా, వీర రాఘవ అనేది ఉపశీర్షిక. టైటిల్ కూడా విభిన్నంగా ఉందంటూ సోషల్‌మీడియా పాజిటివ్ కామెంట్స్ వస్తున్నాయి. ఈ లుక్‌కు లైక్స్ వెల్లువెత్తుతున్నాయి.
