గ్లోబల్‌ స్టార్‌ ప్రియాంక చోప్రా, హాలీవుడ్‌ సింగర్ నిక్ జోనస్‌లకు ఇటీవల నిశ్చితార్థం జరిగిన విషయం తెల్సిందే. దీనిపై ఒలీవియా స్పందిస్తూ, 'నిక్ విషయంలో నేను సంతోషంగానే ఉన్నానని అతడికి కొత్త ప్రేమ దొరికింది. జీవితాంతం అతడు సంతోషంగా ఉంటే.. నాకన్నా ఆనందించే వాళ్లు ఎవరూ ఉండరు' అంటూ వ్యాఖ్యానించింది.
అయితే ప్రియాంక కంటే ముందు నిక్ మరో ఇద్దరు భామలతో డేటింగ్‌ చేశాడు. వారిలో మాజీ మిస్‌ యూనివర్స్‌ ఒలీవియా కల్పో కూడా ఒకరు. 2012లో విశ్వ సుందరిగా ఎంపికైన తర్వాత ఒలీవియా బాగా బిజీ అయిపోయారు. ఈ క్రమంలోనే 2013లో నిక్ - ఒలీవియాల ప్రేమకథ మొదలైంది. రెండేళ్ల అనంతరం వీరు విడిపోయారు. కాగా ఒలీవియా ప్రస్తుతం డానీ అమెండోలా అనే ఫుట్‌బాల్‌ ప్లేయర్‌తో ప్రేమలో ఉంది.
