ఒక‌ప్పుడు బండ‌గా, బొద్దుగా ఉండే ఈ బ్యూటీ ఇప్పుడు మెరుపుతీగ‌కు చెల్లిగా త‌యారైంది. కేవ‌లం ఏడాది గ్యాప్ లోనే అస్సలు గుర్తుప‌ట్ట‌లేని విధంగా రెడీ అయిపోయింది పరిణీతి చోప్రా. య‌శ్ రాజ్ సంస్థ పిఆర్వో గా కెరీర్ మొద‌లుపెట్టి.. అదే సంస్థ నిర్మించిన లేడీస్ వ‌ర్సెస్ రిక్కీబెల్ తో హీరోయిన్ గా ప‌రిచ‌య‌మైంది పరిణీతి.
మొద‌ట్లో కాస్త బ‌క్క‌గానే ఉన్న ఈ బ్యూటీ. ఆ తరువాత శుద్ధ్ దేశీ రొమాన్స్ టైమ్ కు బాగా బొద్దుగా మారిపోయింది. లావుగా ఉండ‌టంతో కొన్ని అవ‌కాశాలు చేజారిపోయాయి కూడా. కానీ పరిణీతి మాత్రం త‌న‌కిలా ఉండ‌ట‌మే ఇష్ట‌మంటూ క‌టింగ్స్ ఇస్తోందట. కానీ అవ‌కాశాలు మ‌రీ నెమ్మ‌దించ‌డంతో ఈమె స‌న్న‌బ‌డ‌క త‌ప్ప‌లేదు. కేవ‌లం ఏడాది గ్యాప్ లోనే ఒంట్లో కొవ్వునంత క‌రిగించేసిందట.
