పవన్‌కల్యాణ్, త్రివిక్రమ్ కాంబినేషన్‌లో వచ్చిన ''అత్తారింటికి దారేది'' బ్లాక్‌బ్లాస్టర్ హిట్‌గా నిలిచిన సంగతి తెలిసిందే. ఈ చిత్రం పవన్ కెరీర్‌లో సూపర్ హిట్‌గా నిలిచింది. ప్రస్తుతం ఈ సినిమాను తమిళంలో రీమేక్ చేసేందుకు సన్నాహాలు చేస్తున్నారు.
ప్రస్తుతం లైకా ప్రొడక్షన్స్ నయనతార ప్రధాన పాత్రలో నటించిన కోలమావు కోకిల సినిమాకు నిర్మాణ సారథ్యం వహించింది. ఈ చిత్రం ఆగస్టు 17వ తేదీన రిలీజ్ కానుంది. ఇదే నిర్మాణ సంస్థపై సూపర్ స్టార్ రజనీకాంత్ రోబో సీక్వెల్ కూడా తెరకెక్కింది. ఈ చిత్రం నవంబర్ 29వ తేదీన విడుదల అవుతుందని టాక్. ఈ రెండు సినిమాలకు చెందిన పనులన్నీ పూర్తయ్యాక లైకా ప్రొడక్షన్స్ అత్తారింటికి దారేది సినిమాను రీమేక్ చేయనుందని సమాచారం.
