పవర్ స్టార్ పవన్ కళ్యాణ్ మరో కొత్త ప్రాజెక్టను పట్టాలెక్కించేందుకు సిద్ధమయ్యారు. ఈ చిత్రానికి దేవ కట్టాకు దర్శకుడుగా అవకాశం ఇచ్చే సూచనలు కనిపిస్తున్నాయి. ఈయన దర్శకత్వంలో వచ్చిన రిపబ్లిక్ చిత్రం సూపర్ హిట్ సాధించింది. అన్ని వర్గాల ప్రజల నుంచి మంచి ప్రశంసలు అందుకుంటుంది. దీంతో దేవకట్టాతో ఓ చిత్రం చేయాలని పవన్ భావిస్తున్నారు.
ప్రస్తుతం 'భీమ్లా నాయక్' చేస్తున్న పవన్.. దీని తర్వాత 'హరిహర వీరమల్లు' చిత్రాన్ని పూర్తిచేస్తారు. అనంతరం హరీశ్ శంకర్, సురేందర్ రెడ్డి చిత్రాలు చేయాల్సి వుంది. ఈ క్రమంలో ఆయన దేవ కట్టా దర్శకత్వంలో కూడా ఓ సినిమా చేయడానికి రెడీ అవుతున్నట్టు తెలుస్తోంది.
తన కోసం ఓ మంచి కథను రెడీ చేయమని పవన్ ఆయనకు చెప్పినట్టు, దీనికి దేవ కట్టా ఆనందంతో అంగీకరించినట్టు తెలుస్తోంది. ప్రస్తుతం ఆ పనిలోనే దర్శకుడు దేవ నిమగ్నమైనట్టు సమాచారం. అయితే, కథ రెడీ అయినప్పటికీ, ప్రస్తుతం పవన్ కమిట్‌మెంట్స్ పూర్తయి, ఇది సెట్స్‌కు వెళ్లడానికి మరికొంత సమయం పట్టొచ్చు.
