బుల్లితెరపై హీరో.. నిజ జీవితంలో జీరో.. భార్యను గెంటేశాడు..

సోమవారం, 3 మే 2021 (15:50 IST)
Rajesh
సినిమాల్లో చాలామంది తెరపై హీరోలుగా వుంటారు. విలన్లు కూడా నిజ జీవితంలో హీరోలుగా అనేక సంక్షేమ కార్యక్రమాలు చేపడుతుంటారు. ఇందులో బాలీవుడ్ నటుడు సోనూసూద్ ఒకరు.

అయితే ఇక్కడ బుల్లి తెరమీద హీరోలా అమాయకంగా కనిపించే వ్యక్తి నిజజీవితంలో విలన్‌గా మారి తన భార్యకు నరకం చూపిస్తున్నాడు. భార్య ఉండగానే పరాయి స్త్రీలతో సంబంధాలు పెట్టుకుని తాళి కట్టిన భార్యను హింసిస్తున్నాడని అతడి భార్య అరుణ అలియాస్ సాధన పోలీసులను ఆశ్రయించింది.
 
వివరాల్లోకి వెళితే.. వదినమ్మ, చంద్రలేఖ వంటి సీరియల్స్‌లో హీరోగా నటిస్తున్న రాజేష్‌ దత్తా ….భార్య ఉండగానే వేరే అమ్మాయిలకు … పెళ్లి కాలేదని అబద్దాలు చెప్పి వారితో ఎపైర్స్ పెట్టుకున్నాడని అరుణ పోలీసులకు ఇచ్చిన ఫిర్యాదులో పేర్కోంది. ఇదేంటని ప్రశ్నిస్తే తనను ఇంట్లోంచి గెంటేశాడని ఆవేదన వ్యక్తం చేస్తోంది.
 
ఈ విషయంపై గట్టిగా నిలదీస్తే.. అంతా నా ఇష్టం. నేను ఎవరితోనైనా తిరుగుతాను, నీ ఇష్టమొచ్చింది చేసుకోపో అంటూ రాజేష్‌ తెగేసి చెప్పేవాడని, అంతేకాకుండా ఆ అమ్మాయిలను డైరెక్ట్‌గా ఇంటికే తీసుకొచ్చేవాడని వాపోయింది. అమ్మాయిలతో ఎఫైర్‌లపై నిలదీయడంతో భార్యను కట్టుబట్టలతో బయటకు గెంటేశాడు.
 
దీంతో ఆమె తల్లితండ్రులతో కలిసి జగద్గిరి గుట్ట పోలీసు స్టేషన్‌లో ఫిర్యాదు చేసింది. మరో వైపు రాజేష్ ఇంటివద్ద బైఠాయించి తనకు న్యాయం చేయాలని డిమాండ్ చేస్తోంది. నటుడు రాజేష్‌.. కర్తవ్యం, సుందరకాండ, మొగలిరేకులు, చక్రవాకం, రాధాకళ్యాణం, యువ, తూర్పు వెళ్లే రైలు సహా దాదాపు 28 సీరియల్స్‌లో నటించారు

వెబ్దునియా పై చదవండి

సంబంధిత వార్తలు