తన భర్త రాజ్‌కుంద్రా చేసిన పాడుపనికి బాలీవుడ్ నటి శిల్పాశెట్టి చిక్కుల్లో పడ్డారు. నీలి చిత్రాల కేసులో రాజ్‌కుంద్రాను పోలీసులు అరెస్టు చేశారు. ఇదే కేసులో శిల్పా శెట్టి వద్ద కూడా పోలీసులు విచారణ జరిపారు. ఈ ఫోర్నోగ్రఫీ కేసులో ఇప్ప‌టికే కుంద్రాను కోర్టులో హాజరు పరిచిన పోలీసులు కేసు దర్యాప్తులో భాగంగా ప‌లు వివ‌రాలు రాబట్టారు.
వియాన్ ప‌రిశ్ర‌మే పోర్న్ రాకెట్‌లో కీల‌కంగా ఉంది. దానికి శిల్పా శెట్టి డైరెక్ట‌ర్‌గా ప‌నిచేస్తున్నారు. శిల్పాశెట్టి అకౌంట్లోకి మాత్రం డ‌బ్బులు వ‌చ్చిన‌ట్లు ఇప్ప‌టి వ‌ర‌కు గుర్తించ‌లేదు. గ‌త ఏడాది ఆగ‌స్టు నుంచి డిసెంబ‌ర్ వ‌ర‌కు కుంద్రా అకౌంట్లోకి మాత్రం 1.17 కోట్ల రూపాయ‌లు వ‌చ్చిన‌ట్లు ఆడిట‌ర్స్ గుర్తించారు.
మరోవైపు, రాజ్‌కుంద్రా పోర్నోగ్ర‌ఫీ వ్య‌వ‌హారంలో మ‌రికొంద‌రిపై కేసులు న‌మోద‌య్యాయి. ఆయ‌న కంపెనీకి చెందిన న‌లుగురు నిర్మాత‌ల‌పై కేసులు న‌మోద‌య్యాయి. సినీ నటి గెహ‌నా వ‌శిష్ట పేరును కూడా చేర్చిన‌ట్లు పోలీసులు వివ‌రించారు.
