పవర్ స్టార్ పవన్ కల్యాణ్ ఉస్తాద్ భగత్ సింగ్ పోస్టర్‌పై నటి పూనమ్ కౌర్ తీవ్రంగా అభ్యంతరం వ్యక్తం చేశారు. భగత్ సింగ్ పేరును ఈ పోస్టర్‌లో పవన్ పాదాల కింద వుంచడంపై ట్విట్టర్ వేదికగా విమర్శలు గుప్పించారు.
"స్వాతంత్ర్య సమరయోధులను మీరు గౌరవించలేకపోతే పోయారు కానీ, కనీసం వారిని మాత్రం అవ‌మానించ‌కండి" అంటూ ఫైర్ అయ్యారు. భగత్ సింగ్ పేరును పవన్ పాదాల కింద వుండేలా పోస్టర్‌ను విడుదల చేయడం అహంకారమా..? లేక అజ్ఞానమా అంటూ ప్రశ్నించారు.
అంతేగాకుండా.."స్వాతంత్ర్య సమరయోధుడిని కచ్చితంగా అవమానించడం లాంటిదే. దీన్ని వెంటనే భగత్ సింగ్ యూనియన్‌కు రిపోర్ట్ చేయండి.. అంటూ పేర్కొన్నారు. ఈ పోస్టు ప్రస్తుతం చర్చకు దారితీసింది. దీనిపై నెటిజన్లు రకరకాలుగా కామెంట్లు చేస్తున్నారు.
