తెలుగు చిత్ర పరిశ్రమకు చెందిన ప్రముఖ నిర్మాత ఎస్.గోపాల్ రెడ్డి తనయుడు భార్గవ్ రెడ్డి (45) అనుమానాస్పద స్థితిలో చనిపోయారు. ఇది ఫిల్మ్ నగర్‌లో చర్చనీయాంశంగా మారింది. నెల్లూరు జిల్లా వాకాడు మండ‌లం పంబ‌లి ప్రాంతంలో భార్గ‌వ్‌కి రొయ్య‌ల హ్య‌చ‌రీ ఉంది. సోమ‌వారం రాత్రి 11 గంట‌ల‌కి స‌ముద్రం వ‌ద్ద‌కి వెళ్లిన ఆయన తెల్లారి శ‌వ‌మై కనిపించాడు.
కాగా, భార్గవ్ రెడ్డి మృతికి కారణమేంటో తెలియకపోయినప్పటికీ... కుక్కపిల్లను కాపాడేందుకు సముద్రంలోకి వెళ్లి ప్రమాదవశాత్తు మృతి చెందినట్టు స్థానిక సమాచారం. అయితే నిజంగా కుక్కపిల్లను కాపాడబోయి చనిపోయారా? లేదంటే మరేమైనా కారణాలున్నాయా? అనేది తెలియాల్సి ఉంది. ప్రస్తుతం ఆయన మృతదేహానికి పోస్ట్‌మార్టం నిర్వహిస్తున్నారు. ఇది పూర్తైతే కొంత మేరకు ఆయన మరణానికి కారణాలు వెల్లడయ్యే అవకాశం ఉంది.
