స్టైలిష్ స్టార్ అల్లు అర్జున్ హీరోగా సుకుమార్ దర్శకత్వంలో తెరకెక్కుతున్న చిత్రం పుష్ప. భారీ అంచనాల మధ్య తెరకెక్కుతున్న ఈ సినిమాలో రష్మిక మందన్న హీరోయిన్‌గా నటిస్తోంది. గంధపు చెక్కల స్మగ్లింగ్ నేపధ్యంలో తెరకెక్కుతున్న ఈ సినిమాకు సంబంధించిన లుక్స్ ప్రేక్షకులను విశేషంగా ఆకట్టుకున్నాయి. ఫస్ట్ సింగిల్ కూడా ప్రేక్షకులను విశేషంగా ఆకట్టుకుంది. దాక్కో దాక్కో మేక అంటూ సాగే ఈ పాట అన్ని భాషల్లో కూడా హిట్ అయింది.
అయితే లేటెస్ట్‌గా సంగీత దర్శకుడు దేవిశ్రీ ప్రసాద్ మ్యాజికల్ వాయిస్ స్టార్ సింగర్ సిద్ శ్రీరామ్‌తో కలిసి ఓ సాంగ్‌ని రికార్డ్ చేసినట్టు తెలుస్తుంది. సినిమాలోని ఓ సాంగ్ అద్భుతమైన లొకేషన్లో షూటింగ్ జరుపుకుంది అంటూ ఆ ఫోటోను కూడా షేర్ చేశారు. త్వరలోనే సినిమా సెకండ్ సింగిల్‌కు సంబంధించిన అప్డేట్‌ను ప్రకటించబోతున్నారు మేకర్స్. ఇక ఈ సినిమా క్రిస్మస్ కానుకగా రిలీజ్ కాబోతుంది.
