బాలీవుడ్ దిగ్గజ దర్శకుడు, నటుడు, రచయిత నీరజ్ హోరా కన్నుమూశారు. ఆయన మృతిపై దర్శకుడు రాంగోపాల్ వర్మ సంతాపం వ్యక్తం చేస్తూ తనకున్న అనుబంధాన్ని గుర్తుచేసుకున్నాడు. ఇదే విషయంపై ఆయన ఫేస్‌బుక్‌లో ఓ వీడియో అప్‌లోడ్ చేశాడు.
"నీరజ్ వోరా చనిపోవడం నిజంగా బాధాకరమన్నారు. ఆయనలో ఎవ్వరినైనా నవ్వించగల హాస్య చతురత ఉందనే విషయం ప్రతి ఒక్కరికీ తెలుసన్నారు. కానీ, అతనో బహుముఖ ప్రజ్ఞాశాలి అన్న విషయం కొందరికి మాత్రమే తెలుసని గుర్తు చేశారు.
ముఖ్యంగా, తాను తెరకెక్కించిన "దౌడ్‌" చిత్రంలో నీరజ్ నటించిన ఓ సన్నివేశం ఎప్పటికీ మర్చిపోలేను. ఈ సన్నివేశంలో నీరజ్ నటిస్తున్నప్పుడు సెట్స్‌లో సభ్యులంతా కడుపుబ్బ నవ్వారన్నారు. దాంతో ఈ సీన్‌ కోసం నీరజ్ చాలా టేకులు తీసుకోవాల్సి వచ్చిందన్నారు. అలాంటి వ్యక్తి ఇక మన మధ్య లేరు.
