శ్రియా భూపాల్‌-అనిందిత్ రెడ్డి నిశ్చితార్థం.. హాజరైన చెర్రీ-ఉపాసన (ఫోటో)

గతంలో అఖిల్ అక్కినేని- శ్రియా భూపాల్ ప్రేమ వ్యవహారం నిశ్చితార్థం వరకు వచ్చి ఆగిపోయిన సంగతి తెలిసిందే. గతంలో వీరిద్దరి ఎంగేజ్‌మెంట్ జరిగింది. అయితే అనివార్య కారణాల వల్ల వాళ్లిద్దరూ విడిపోయారు. అయితే తాజాగా శ్రియా భూపాల్‌కు నిశ్చితార్థం అయిపోయింది. 

వరుడు ఎవరో తెలుసా..? టాలీవుడ్ స్టార్ హీరో రామ్ చరణ్ సతీమణి ఉపాసన తమ్ముడు (కజిన్ బ్రదర్) అనిందిత్ రెడ్డి. హైదరాబాదులో వీరిద్దరి నిశ్చితార్థ వేడుక జరిగింది. ఈ ఫంక్షన్‌కు చెర్రీ దంపతులతో పాటు సన్నిహితులు మాత్రం హాజరయ్యారు. ఆపై ఉపాసన తన సోషల్ మీడియాలో శ్రియా భూపాల్ ఎంగేజ్‌మెంట్ ఫోటోను పోస్టు చేసింది. ఆ ఫోటో కాస్త ప్రస్తుతం వైరల్ అవుతోంది.  

ఇకపోతే.. అపోలో సంస్థల అధినేత ప్రతాప్ సి రెడ్డి మనువడు చేవేళ్ల సిట్టింగ్ ఎంపీ విశ్వేశర్ రెడ్డి పెద్ద కుమారుడు అనిందిత్ రెడ్డి. వృత్తి రీత్యా దేశీయ మోటార్ స్పోర్ట్స్ సర్కిల్‌లో అనిందిత్‌కు మంచి పేరుంది. అనిందిత్ తల్లి సంగీత, ఉపాసన తల్లి శోభన సొంత అక్కాచెల్లెళ్లు. ఇలా కజిన్ అయిన అనిందిత్‌కు-శ్రియా భూపాల్ వివాహానికి ఉపాసనే కారణమని టాలీవుడ్ వర్గాల్లో టాక్ వస్తోంది.