తెలుగు చిత్రసీమలో బాహుబలి రికార్డు అంతాఇంతా కాదు. తెలుగు చిత్రాల్లోనే ఒక భారీ హిట్‌గా పేరు సంపాదించుకుంది. రికార్డుల మీద రికార్డులను సాధించింది బాహుబలి సినిమానే. దర్శకుడు రాజమౌళి తెరకెక్కించిన బాహుబలి సినిమా టీజర్ అప్పట్లో యూ ట్యూబ్‌లో లక్షల మంది చూశారు. రెండు రోజుల్లోనే లక్షల మంది బాహుబలి టీజర్‌ను చూస్తే అప్పట్లో అది రికార్డుగా నిలిచింది. అయితే ఆ రికార్డును ఇప్పుడు పవన్ కళ్యాణ్ అజ్ఞాతవాసి సినిమా బద్దలు కొట్టింది.
మాటల మాంత్రికుడు త్రివిక్రమ్, హీరో పవన్ కళ్యాణ్ నటించిన సినిమా టీజర్ విడుదలైంది. ఈ టీజర్‌ను 5 గంటల్లో 30 లక్షల 11 వేల మంది తిలకించగా 17 గంటల్లో 40 లక్షల 26 వేల మంది తిలకించారు. ఒక్కరోజుకు 50 లక్షల మంది వీక్షించగా రెండవ రోజు కోటి దాటింది. యూ ట్యూబ్‌లో ఈ టీజర్‌ను ఇన్ని లక్షల మంది వీక్షించడం సినిమా యూనిట్‌నే ఆశ్చర్యపరుస్తోంది. ఈ నెల 19న అజ్ఞాతవాసి సినిమా ఆడియో రిలీజ్ ఫంక్షన్ జరుగనుండగా, వచ్చే నెల 10వ తేదీన సినిమా విడుదల కానుంది.
