ప్రధానంగా మలయాళ స్టార్ హీరోలు ఎంతో మంది షకీలా సినిమాలు చేయకుండా ఎన్నో ప్రయత్నాలు చేశారు. అప్పట్లో స్టార్‌గా వెలిగిన షకీలా ప్రస్తుతం చాలా దుర్భర జీవితాన్ని గడుపుతున్నారు. ఆమె జీవితం సినిమాటిక్‌గా ఎంతో విభిన్నంగా ఉంటుంది. అందుకే షకీలా జీవిత చరిత్ర ఆధారంగా చిత్రాన్ని తెరకెక్కించేందుకు ఏర్పాట్లు చేస్తున్నారు.
ఇందులో షకీలా పాత్రలో బాలీవుడ్ హాట్ బ్యూటీ రిచా చద్దా నటించనుంది. అయితే తమ అంచనాలకు ఏమాత్రం తగ్గకుండా షకీలా పాత్రకు రిచా న్యాయం చేయగలదని దర్శకనిర్మాతలు గట్టినమ్మకంతో ఉన్నారు. తాజాగా ఆమె బాలీవుడ్‌లో 'లవ్ సోనియా' అనే చిత్రంలో నటించనుంది. ఈ చిత్రంలో రిచా వేశ్య పాత్రలో చాలా బోల్డ్‌గా నటించనుందట. ఇక షకీలా బయోపిక్‌లో రిచా హద్దులు మీరి అందాలను ఆరబోస్తుందనే టాక్ బలంగా వినిపిస్తోంది.
