బాహుబలిలో టాలీవుడ్‌ ఖ్యాతిని ప్రపంచవ్యాప్తం చేసిన రాజమౌళి ‘ఆర్ఆర్ఆర్’తో వచ్చే సంక్రాంతి బరిలోకి దిగనున్నారు. రాజమౌళి పుట్టినరోజు సందర్భంగా ఆర్ఆర్ఆర్ (RRR) (రౌద్రం రణం రుధిరం) హీరోలు, అందులో నటిస్తున్న పలువురు నటులు రాజమౌళికి ప్రత్యేకంగా పుట్టినరోజు శుభాకాంక్షలు తెలిపారు. యంగ్ టైగర్ ఎన్టీఆర్ (NTR), మెగాప‌వర్ స్టార్ రామ్ చరణ్ (Ram Charan), బాలీవుడ్ స్టార్ హీరో అజయ్ దేవగణ్ (Ajay Devgn) ఆన్‌లొకేష‌న్ స్టిల్స్ విడుదల చేస్తూ జక్కన్నకు బర్త్ డే శుభాకాంక్షలు తెలియ‌జేశారు.
డియర్ జక్కన హ్యాపీ బర్త్ డే టు యు లవ్ యూ అంటూ తారక్ చెప్పారు. చరణ్ "రాజమౌళి గారికి జన్మదిన శుభాకాంక్షలు" అని తెలిపారు. అలాగే ఆలియా భట్ కూడా జక్కన్నకు శుభాకాంక్షలు చెప్పారు. ఇక త్వరలో రాజమౌళితో (Rajamouli) సినిమా చేయబోతున్న సూపర్ స్టార్ మహేశ్ బాబు (MaheshBabu) కూడా రాజమౌళికి బర్త్ డే విషెస్ తెలిపారు.
