RRR మళ్లీ వాయిదా పడింది. రాజమౌళి దర్శకత్వంలో యంగ్ టైగర్ ఎన్టీఆర్ , మెగా పవర్ స్టార్ రామ్ చరణ్ హీరోలుగా రూపొందుతున్న పీరియాడికల్ చిత్రం ఆర్ఆర్ఆర్. భారీ బడ్జెట్‌తో అత్యంత ప్రతిష్టాత్మకంగా రూపొందుతున్న ఈ చిత్ర రిలీజ్ కోసం అభిమానులు కళ్లల్లో ఒత్తులు వేసుకొని ఎదురు చూస్తున్నారు. పలు మార్లు వాయిదా పడ్డ ఈ చిత్రం అక్టోబర్ 13న దసరా శుభాకాంక్షలతో విడుదల అవుతుందని అందరు భావించారు. కాని మరలా వాయిదా వేస్తున్నట్టు ప్రకటించారు మేకర్స్.
పోస్ట్ ప్రొడక్షన్ వర్క్ అక్టోబర్ 21కి పూర్తి అవుతుందని , అందరు భావిస్తున్నట్టే మా చిత్రాన్ని వాయిదా వేస్తున్నామని, రిలీజ్ డేట్ మాత్రం ప్రకటించలేకపోతున్నారు. అందుకు కారణం థియేటర్స్ నిరవధికంగా మూసివేయటమే అని చెప్పారు. ప్రపంచ సినిమా మార్కెట్ చక్కబడిన తర్వాత వీలయినంత త్వరగా విడుదల తేదీని ప్రకటిస్తామంటున్నారు. సంక్రాంతికి లేదా ఉగాది వచ్చే అవకాశం వుందని టాక్.
అన్నీ పరిస్థితులు చక్కబడ్డ తర్వాతే ఆర్ఆర్ఆర్ మూవీపై ఓ క్లారిటీ వచ్చే అవకాశం ఉంది. ఇందులో అలియా భట్, సముద్ర ఖని, అజయ దేవగణ్ పలువురు ముఖ్య పాత్రలు పోషిస్తున్నారు. థియేటర్లు ప్రస్తుతం పూర్తిగా పనిచేయకపోవడంతో సినిమా విడుదల ఆలస్యమైందని టీమ్ ప్రకటించింది. ఆర్ఆర్ఆర్ చిత్రం థియేటర్‌లో వెళ్లే అనుభవాన్ని దృష్టిలో ఉంచుకుని భారీ స్థాయిలో రూపొందించబడింది. ఓటీటీలో విడుదలైతే ఆ ఎఫెక్ట్ అభిమానులకు లభించదు.
