నాగచైతన్య, సాయిపల్లవి జంటగా దర్శకుడు శేఖర్ కమ్ముల తెరకెక్కించిన చిత్రం లవ్ స్టోరీ. ఈ సినిమా ఈ నెల 24న విడుదల కానుంది. ఈ చిత్రం ప్రి-రిలీజ్ కార్యక్రమం హైదరాబాదులో జరిగింది. ఈ వేడుకకు మెగాస్టార్ చిరంజీవితో పాటు బాలీవుడ్ స్టార్ హీరో ఆమీర్ ఖాన్ హాజరయ్యారు.
ఈ చిత్రం గురించి మెగాస్టార్ చిరంజీవి మాట్లాడుతూ.. వేసవి సెలవుల తర్వాత విద్యార్థులు స్కూలుకు వెళ్తుంటే ఎలా ఫీల్ అవుతారో తమకు కోవిడ్ తర్వాత అలాంటి ఫీలింగ్ కలుగుతోందన్నారు. ప్రత్యక్షంగా ప్రేక్షకులతో కలిసి వేడుకలు చేసుకుంటే వుంటే వచ్చే కిక్కే వేరని అన్నారు. నాగచైత్యన్య స్టడీగా మంచి సబ్జెక్టులు ఎన్నుకుంటూ వెళ్తున్నారని చెప్పారు.
ఎందుకో తెలుసా... సాయిపల్లవి సూపర్ డ్యాన్సర్. అలాంటి డ్యాన్సర్ తో చెల్లెమ్మా అంటూ పాత్ర చేసేకంటే ఆమెతో కలిసి డ్యాన్స్ చేయాలనుకున్నాను. ఆ అవకాశం సాయిపల్లవి ఇస్తుందో లేదో తెలియదు కానీ, నాకు మాత్రం ఆ కోరిక వుందన్నారు చిరంజీవి. సాయిపల్లవి అందుకుంటే... మీతో అవకాశం నాకు అవార్డ్ లాంటిదంటూనే రీమేక్ చిత్రాలంటే తనకు భయమనీ, అందువల్లనే ఆ పాత్ర వద్దనుకున్నట్లు చెప్పేసింది.
