తన భర్త అక్కినేని నాగచైతన్యతో విడిపోతున్నట్లు ప్రకటించిన తర్వాత హీరోయిన్ సమంత తన అందాలను ఓ రేంజ్‌లో ఆరబోస్తున్నారు. 'పుష్ప' సినిమాలో ఐటమ్ సాంగ్‌కు ప్రతి ఒక్కరూ విస్తుపోయేలా డ్యాన్స్ చేసిన సమంత.. ఇపుడు హాటెస్ట్ దుస్తులు ధరించి స్పెషల్ ఫొటోషూట్లు చేస్తున్నారు. ఈ ఫొటోలను ఆమె తన ఇన్‌స్టాఖాతాలో షేర్ చేయడంతో అవి సోషల్ మీడియాలో వైరల్ అయ్యాయి.
తాజాగా, ముంబైలో జరిగిన ఓ కార్యక్రమంలో ఆమె పాల్గొన్నారు. ఇందులో సమంత మాత్రమే హట్ టాపిక్‌గా ఉన్నారు. దీనికి కారణం ఆమె ధరించిన దుస్తులే. సమంత దుస్తులపై బాలీవుడ్ సెలెబ్రిటీలు ఆసక్తికరంగా చర్చించుకున్నట్టు సమాచారం. ఈ దుస్తుల్లో ఆమె ఫొటోలు దిగి వాటిని సోషల్ మీడియాలో షేర్ చేయడంతో సమంత మరోమారు వార్తలకెక్కారు.
కాగా, "ఫ్యామిలీ మేన్-2" వెబ్ సిరీస్ నుంచి సమంత ఓ రేంజ్‌లో అందాలు ఆరబోస్తున్న విషయం తెల్సిందే. ప్రస్తుతం ఈమె తమిళం, తెలుగులో అగ్రహీరోయిన్‌గా కొనసాగుతున్నారు. ఇప్పుడు బాలీవుడ్‌లోనూ టాప్ హీరోయిన్ కావాలన్నదే ఆమె లక్ష్యంగా ఉంది. అందుకే ముంబైలో జరిగే ఈవెంట్స్‌లో ప్రత్యేక ఆకర్షణగా ఉండేలా డ్రెస్సులు ధరిస్తున్నారనే ప్రచారం జరుగుతుంది.
