ప్రముఖ టీవీలో సుమ యాంకరింగ్‌లో క్యాష్ ప్రోగ్రామ్ ప్రసారమవుతుంది. ఇందులో సుభాషిణి, జెన్నీ, బాలాజీ, కృష్ణవేణిలు వచ్చి సందడి చేశారు. ప్రోమో చివర్లో యాంకర్ సుమ గొప్ప మనసు గురించి సుభాషిణి చెప్పి కంటతడిపెడ్తారు.
ఇందులో ఆమె మాట్లాడుతూ, "నేను ఈ రోజు ఇలా ఆరోగ్యంగా ఉన్నాను అంటే దానికి కారణం సుమ. ఆరు నెలలకు ఒకసారి సుమ నాకు మందులు పంపిస్తుంది. మళ్లీ నాకు మావన జన్మ అంటూ ఉంటే నువ్వు నా కడుపున పాపగా పుట్టాలి. బంగారు తల్లివమ్మా నువ్వు" అని చెప్పడంతో సుమ ఎమోషనలై సుభాషిణిని హత్తుకున్నారు.
