యాంగ్రీమేన్ రాజశేఖర్ నటించేందుకు ఎవర్ గ్రీన్ సుందరి శ్రియ నటించేందుకు గ్రీన్ సిగ్నల్ ఇచ్చింది. ఇండస్ట్రీలోకి అడుగుపెట్టి పదేళ్లు దాటినా.. ఆమె హీరోయిన్‌గా ఓ వెలుగు వెలుగుతోంది. పెళ్లికి తర్వాత కూడా సినిమాలు చేస్తూ.. ఫిజిక్‌ను పక్కాగా మెయింటైన్ చేస్తున్న శ్రియ.. తాజాగా రాజశేఖర్ సరసన నటించే అవకాశాన్ని కైవసం చేసుకుంది.
'గరుడవేగ' హిట్ తరువాత రాజశేఖర్ చేసిన 'కల్కి' కలెక్షన్ల పరంగా నిరుత్సాహపరచగా, కాస్తంత గ్యాప్ తీసుకున్న రాజశేఖర్, 'అహ నా పెళ్ళంట', 'పూలరంగడు' సినిమాలకు దర్శకత్వం వహించిన వీరభద్రం చౌదరికి తన తదుపరి సినిమాను అప్పగించారు.
ఈ సినిమాలో శ్రియ కథానాయికగా నటించనుంది. ఈ వెటరన్ బ్యూటీ, బాలకృష్ణ హీరోగా బోయపాటి దర్శకత్వం వహిస్తున్న చిత్రంలోనూ నటించే చాన్స్ కొట్టేసిందన్న సంగతి తెలిసిందే. ఈ సినిమాల ద్వారా మళ్లీ శ్రియ వరుస సినిమాలతో ప్రేక్షకులను పలకరించనుంది.
