విశ్వనటుడు కమల్ హాసన్, సినీ నటి గౌతమి 13 యేళ్ళ సహజీవనం తర్వాత గత యేడాది విడిపోయారు. వీరిద్దరు విడిపోవడానికి ప్రధాన కారణం కమల్ కుమార్తె, హీరోయిన్ శృతిహాసన్ అనే ప్రచారం జోరుగా సాగింది. ముఖ్యంగా, కోలీవుడ్‌లో అయితే ఈ ప్రచారాన్ని చాలా నమ్మారు కూడా.
దీనిపై అటు కమల్ లేదా ఇటు శృతిహాసన్ ఎన్నడూ స్పందించిన దాఖలాలు లేవు. కానీ, ఇపుడు శృతిహాసన్ స్పందించారు. తాజాగా ఆమె ఇచ్చిన ఇంటర్వ్యూలో స్పందిస్తూ, 'అసలు గౌతమి నా జీవితంలోనే లేదు. అందుకే ఆ విషయం గురించి మాట్లాడదలుచుకోలేదు' అంటూ ఒక్క ముక్కలో తేల్చిపారేసింది.
అలాగే, తన పెళ్లిపై ఓ క్లారిటీ ఇచ్చింది. ఇప్పట్లో తనకు పెళ్లి చేసుకునే ఆలోచనేదీ లేదని స్పష్టం చేసింది. తన విషయంలో రహస్యాలేవీ ఉండవని.. ఏవైనా సరే దాచుకోకుండా కక్కేస్తానని వెల్లడించింది. తన అభిప్రాయానికి కుటుంబం కూడా విలువనిస్తుందని, మైఖేల్ కోర్సలే తనకు స్నేహితుడు మాత్రమేనని అంతకంటే అతని గురించి ఎక్కువేమీ చెప్పలేనని ఓ ప్రశ్నకు సమాధానమిచ్చింది.
