Paruchuri Gopalakrishna, V.v. Vinayak, B. Gopa
పరుచూరి బద్రర్స్‌ ఎంత సుప్రసిద్ధులో ప్రత్యేకించి చెప్పక్కర్లేదు. ఇప్పుడు ఈ ఫ్యామిలీ నుంచి పరుచూరి సుదర్శన్‌ (పరుచూరి వెంకటేశ్వరరావు మనవడు) హీరోగా ఇండస్ట్రీకి పరిచయం అవుతున్నారు. ‘సిద్ధాపూర్‌ అగ్రహారం’ అనే టైటిల్‌ ఖరారు చేసుకున్న ఈ సినిమా ప్రారంభోత్సవం శనివారం హైదరాబాద్‌లో ఘనంగా జరిగింది. వాసు తిరుమల, ఉష శివకుమార్‌ నిర్మిస్తున్న ఈ సినిమాకు రాకేష్‌ శ్రీపాద దర్శకుడు. ఈ సినిమా ప్రారంభోత్సవంలో ప్రముఖ దర్శకులు బి. గోపాల్‌ క్లాప్‌ ఇవ్వగా, ప్రముఖ రచయిత పరుచూరి గోపాలకృష్ణ స్క్రిప్ట్‌ను చిత్రయూనిట్‌కు అందజేశారు. ప్రముఖ దర్శకులు వీవీ వినాయక్‌ కెమెరా స్విచ్చాన్‌ చేసి, గౌరవ దర్శకత్వం వహించారు. ఇతర ప్రముఖ దర్శకులు వీఎన్‌ ఆదిత్య , వీరూ పొట్ల ముఖ్య అతిథులుగా పాల్గొన్నారు.
