ప్రముఖ గాయని సునీత పేరిట కొందరు చీటింగ్ చేసి ఒకటి కాదు రెండు కాదు ఏకంగా రూ.1.7 కోట్లు టోకరా వేశారు. ఇప్పటికే ఇలాంటి వాటిపై సునీత పోలీసులకు ఫిర్యాదు చేసియున్నారు. ఇప్పటికే తాను సునీత మేనల్లుడినని చెప్పుకుంటూ వసులకు పాల్పడిన చైతన్య అనే వ్యక్తి పోలీసులు అరెస్ట్ చేశారు. అతను చేసిన ఘరానా మోసం ఒకటి బాధితురాలు రాచకొండ సైబర్‌ క్రైం పోలీసులకు ఫిర్యాదు చేయడంతో వెలుగు చూసింది.
వివరాల్లోకి వెళితే.. కొత్తపేటకు చెందిన ఓ మహిళ (44) సునీతకు వీరాభిమాని. 2019లో బాధితురాలి ఇంటి దగ్గరుండే చైతన్య అనే వ్యక్తి సునీత వాట్సాప్‌ నంబర్ ఇదేనని ఒక నంబర్ ఇచ్చాడు. రెండు, మూడు సార్లు వాట్సాప్లో ఆమె మెసేజ్‌ చేయగానే సునీత బాధితురాలి నంబర్‌ను బ్లాక్‌ చేశారు. దీంతో బాధితురాలు.. వేరే నంబర్ నుంచి సునీత నంబర్ అని చెప్పి చైతన్య ఇచ్చిన నంబర్‌కు మిమ్మల్ని ఇబ్బంది పెట్టినందుకు క్షమించండి అంటూ మెసేజ్‌ చేసింది. సరేనంటూ.. అప్పటి నుంచి ఛాటింగ్‌ చేయడం మొదలుపెట్టారు.
