సంగీత దర్శకులు ఇళయరాజా, ఎస్పీ బాలసుబ్రహ్మణ్యం వ్యవహారంపై ఇటీవల సినీ ప్రముఖులు తమ అభిప్రాయాలను పంచుకొన్నారు. విదేశాల్లో తాను కంపోజ్ చేసిన పాటలను ఎస్పీబీ పాడకూడదంటూ.. ఇళయరాజా నోటీసులు ఇచ్చిన వివాదంపై సినీ గాయని సునీత కూడా స్పందించారు. ఇలా తాను కంపోజ్ చేసిన పాటలను ఇతరులు పాడకూడదనే షరతు రావడం మంచి పరిణామం కాదని సునీత వ్యాఖ్యానించింది. ఇళయరాజా తరహాలో మిగిలిన సంగీత దర్శకులు కూడా అదే మార్గంలో పయనిస్తే గాయకుల పరిస్థితి, భవిష్యత్తు అంధకారమేనని సునీత తెలిపారు. బాలసుబ్రహ్మణ్యం, ఇళయరాజాల వివాదం చిన్న సమస్యగా తీసుకోనక్కర్లేదని.. అది పెద్ద సమస్యకు దారితీస్తుందని చెప్తున్నారు.
