నిర్మాత సురేష్ బాబును బురిడీ కొట్టించిన కేటుగాడు.. రూ.లక్ష ఫసక్

మంగళవారం, 22 జూన్ 2021 (09:55 IST)
విధి ఎలా ఉంటే అలా జరుగుతుందనుకోవాలో.. ఒక్కోసారి ఎంతటి వారానై బొక్క బోర్లా పడతారనుకోవాలో తెలీని పరిస్థితి. ఇదే స్థితి ఇప్పుడు ప్రముఖ తెలుగు చలన చిత్ర నిర్మాత దగ్గుబాటి సురేష్ బాబు విషయంలో జరిగింది. నిర్మాత సురేష్ బాబుని ఓ కేటుగాడు వ్యాక్సిన్ పేరుతో బురిడీ కొట్టించి, లక్ష రూపాయలను నొక్కేశాడు. 
 
టాలీవుడ్ ఇండస్ట్రీలో సంచలనంగా మారిన ఈ కేసు వివరాలను పరిశీలిస్తే, కరోనా టీకా సరఫరా చేస్తానని లక్ష రూపాయలు ట్రాన్సఫర్ చేయమనడంతో అతడిని నమ్మి లక్ష రూపాయలు సురేష్ బాబు మేనేజర్.. సదరు వ్యక్తి బ్యాంకు ఖాతాకి డబ్బును బదిలీ చేశాడు. 
 
ఆ తర్వాత ఎన్ని సార్లు ఫోన్ చేసినప్పటికీ లిఫ్ట్ చేయకపోవడంతో అనుమానం వచ్చి, చివరికి మోసం జరిగిందని తెలుసుకున్నారు. దీంతో పోలీసులకు ఫిర్యాదు చేయడంతో కేసు నమోదు చేసిన జూబ్లీహిల్స్ పోలీసులు దర్యాప్తు చేస్తున్నారు. 

వెబ్దునియా పై చదవండి

సంబంధిత వార్తలు