మెగా ఫ్యామిలీని శ్రీరెడ్డి మరోసారి టార్గెట్ చేసింది. ఇప్పటికే పవన్ కళ్యాణ్ తల్లిపై ఆరోపణలు చేసిన శ్రీరెడ్డి ఆ తరువాత వెనక్కి తగ్గారు. కానీ మళ్ళీ మెగా ఫ్యామిలీని టార్గెట్ చేస్తూ పవన్ కళ్యాణ్‌‌ను నోటికొచ్చినట్లు మాట్లాడారు. పవన్ కళ్యాణ్‌‌కు అమ్మాయిలతో మసాజ్ చేయించుకుంటే తప్ప నిద్రపట్టదన్నారు. తన ఫాంహౌస్‌లో పవన్ కళ్యాణ్ చేసేదంతా రాసలీలలేనని, పైకేమో పతివ్రత ఫోజు, లోపలేమో చేసేదంతా గుడి ఎనకా నా సామి అంటూ సంచలన వ్యాఖ్యలు చేశారు.
పవన్ కళ్యాణ్ ఇప్పటికే జనసేన పార్టీని స్థాపించి ప్రజల్లో తిరుగుతున్నారు. ఈ సమయంలో హఠాత్తుగా పవన్ కళ్యాణ్ పైన శ్రీరెడ్డి ఇలా ఆరోపణలు సంధించడంపై అనుమానాలు వ్యక్తం చేస్తున్నారు. కావాలనే ఆమె వెనుక ఎవరైనా వుండి ఎగదోస్తున్నారేమోననే సందేహాలు వెలిబుచ్చుతున్నారు. మరి ఈ వ్యవహారం ఎంతవరకు వెళుతుందో? అయితే ఈ విషయంపై ఇప్పటివరకు అటు పవన్ ఫ్యాన్స్ గాని, పవన్ కళ్యాణ్ గానీ స్పందించలేదు. వరుసగా రోజుకొక నటుడిని టార్గెట్ చేస్తూ శ్రీరెడ్డి వ్యాఖ్యలు చేస్తుండటం తీవ్ర చర్చకు దారితీస్తోంది.
