దర్శకేంద్రుడు రాఘవేంద్రరావుపై వివాదాస్పద కామెంట్లు చేసిన తాప్సీ వెనక్కి తగ్గింది. రాఘవేంద్రరావు పండ్లు, కొబ్బరి చిప్పలతో నాభిపై కొట్టడం ద్వారా అసలేం రొమాన్స్ వుందంటూ కామెంట్స్ చేసిన తాప్సీ ఆపై తన వ్యాఖ్యలను సమర్థించుకునే ప్రయత్నం చేయలేదు. ఆయన చేసిందే చెప్పానంది. అయితే తాజాగా రాఘవేంద్రరావుకు క్షమాపణలు చెప్పింది. ఈ మేరకు సోషల్ మీడియాలో వీడియో పోస్ట్ చేసి రాఘవేంద్రరావును క్షమించాల్సిందిగా కోరింది.
తొలుత తన మాటలను సమర్థించుకున్న తాప్సీ.. ఇంటర్వ్యూలో మాట్లాడిన మాటలన్నీ మనస్ఫూర్తిగా చెప్పినవి కాదని.. వాటిని అర్థం చేసుకోలేక తప్పుదోవ పట్టించారని వ్యాఖ్యానించింది. ఏదీ ఏమైనా క్షమించమని కోరింది. తనపై తాను జోకులు వేసుకుంటున్నా అనుకున్నానే కానీ.. ఇంత గొడవకు దారితీస్తాయని అనుకోలేదని.. తనకు లైఫ్ ఇచ్చిన దర్శకేంద్రుని గురించి తప్పుగా ఎలా మాట్లాడతానని వీడియోలో పేర్కొంది.
తాప్సి ప్రధానమైన పాత్రను పోషించిన ఈ సినిమాలో, వెన్నెల కిషోర్, శ్రీనివాస రెడ్డి, షకలక శంకర్ తదితరులు నటించారు. ఈ సినిమా టీజర్‌ను ఈ నెల 19వ తేదీన రిలీజ్ చేసి, సినిమాను ఆగస్టు 18వ తేదీన విడుదల చేయాలనుకుంటున్నారు.
