బాలీవుడ్ నుంచి ఇప్పటికే దీపికా పదుకునే, ప్రియాంక చోప్రాలు హాలీవుడ్ ఎంట్రీ ఇచ్చేశారు. తాజాగా దక్షిణాది భామ మీరా చోప్రా కూడా హాలీవుడ్ అరంగేట్రం చేయనుందని టాక్ వస్తోంది. పవర్ స్టార్ పవన్‌కళ్యాణ్ హీరోగా నటించిన బంగారంలో మీరా చోప్రా ఓ హీరోయిన్‌గా చేసింది. నితిన్‌తోనూ ఓ సినిమాలో నటించిన ఈ ముద్దుగుమ్మకు సక్సెస్‌‌లు మాత్రం అంతంతమాత్రంగానే మిగిలిపోయాయి. దీంతో దక్షిణాదిన ఈమెపై ఐరన్ లెగ్ అనే ముద్రపడింది.
ప్రస్తుతం బాలీవుడ్‌లో అదృష్టాన్ని పరీక్షించుకుంటున్న మీరా చోప్రా… స్టార్ హీరోయిన్ ప్రియాంక చోప్రాకు బంధువు కూడా. ఆ బంధుత్వంతోనే మీరాను హాలీవుడ్‌కు తీసుకెళ్తోందట ప్రియాంక. ‘క్వాంటికో’ అనే టివి షోలో ప్రియాంక నటిస్తుండగా… అలాంటిదే మరో ఆఫర్ ప్రియాంకకు వచ్చిందట. ఈ ఆఫర్‌ను మీరా చోప్రాకు ఇవ్వాలనుకుంటోంది ప్రియాంక చోప్రా. బాలీవుడ్‌లో ఇప్పటికే కొన్ని సినిమాల్లో నటించిన మీరా చోప్రాకు హాలీవుడ్ ఛాన్సులు లభించేందుకు ప్రియాంక చోప్రా మల్లగుల్లాలు పడుతోంది. మరి మీరాకు హాలీవుడ్ ఛాన్స్‌లు ఏమేరకు లాభిస్తాయో వేచి చూడాలి.
